Ndihmësekretarja e Shteteve të Bashkuara të Amerikës Karen Donfried, që natyrshëm është edhe krahu i djathtë i Anthony Blinken dhe i dërguari i Posaçëm për Ballkanin Perëndimor Gabriel Escobar kanë nisur një vizitë zyrtare disaditore në rajonin tonë, duke filluar nga Prishtina. Takimi i parë i zyrtarëve amerikanë ka qenë me presidenten e Kosovës Vjosa Osmani, me të cilën diskutuan situatën në vend, por mbi të gjitha kërkesën zyrtare të Prishtinës për anëtarësim në NATO. “E theksova se Kosova është dhe vazhdon të jetë palë konstruktive në dialog dhe mbesim të përkushtuar ndaj këtij procesi. Shpreha zhgënjimin tonë për moszbatimin e shumë marrëveshjeve të nënshkruara në Bruksel nga ana e Serbisë, përshirë këtu edhe refuzimin e Serbisë për shpërbërjen e strukturave ilegale të cilat vazhdojnë t’i frikësojnë serbët e Kosovës. Por, as marrëdhënia jonë me SHBA-në e as marrëdhëniet tona me aleatët tjerë ndërkombëtarë nuk duhet të përcaktoheshin nga dialogu me Serbinë”