Rusia fajëson perëndimin për situatën e tensionuar në veri të Kosovës dhe paralajmëron se nga këto tensione mund të nisë një luftë e përmasave të mëdha në zemër të Europës. Ministri i Jashtëm, Sergei Lavrov tha se situate është alarmante dhe një big bang i madh po shpërthen në qendër të kontinentit të vjetër. Ai kthehet mbi 20 vite pas në kohë dhe fajëson fillimisht ndërhyrjen e NATO-s për të ndalur shpopullimin etnik të shqiptarëve të Kosovës nga Sllobodan Millosheviç dhe më pas me paaftësinë e Brukselit për të vënë në zbatim marrëveshjen për asociacionin e komunave me shumicë serbe. Lavrov thotë se Serbia ka të drejt të reagojë, edhe ushtarakisht sipas tij. Ai deklaron se i takon Aleksandër Vuçiçit dhe popullit serb që të vendosin se si të reagojnë. “Vendimi do të merret nga presidenti i Serbisë, populli serb dhe serbët që po mbrojnë të drejtat e tyre në veri të krahinës autonome të Kosovës”, tha Lavrov. Situata është përshkallëzuar sërish në orët e pasdites së të hënës, ku KFOR ndërhyri me gaz lotsjellës dhe bomba shokuese për të shpërndarë protestuesit serbë.