Ka përfunduar raundi i dytë i zgjedhjeve lokale të 9 nëntorit në Kosovë, në 18 komunat ku u mbajt balotazhi. Lista Serbe është partia me më së shumti komuna të fituara, gjithsej dhjetë, kjo falë edhe favorizimit të ndarjes administrative. Më shumë komuna sipas rezultateve preliminare të KQZ-së nga partitë shqiptare, kanë fituar Lëvizja Vetëvendosje dhe Lidhja Demokratike e Kosovës me nga 7 komuna, pas tyre renditet Partia Demokratike e Kosovës me 6 komuna, më pas Aleanca për Ardhmërinë e Kosovës me 5 komuna, Nisma për Kosovën ka fituar 1 komunë, Partia Demokratike Turke e Kosovës (KDTP) 1 komunë si edhe Iniciativa e Ramiz Lladrovcit 1 komunë. Sipas zgjedhjeve lokale me dy raunde, më 12 tetor dhe 9 të nëntorit me balotazg, vetëm në 4 komuna me shumicë shqiptare do të ketë kryetar të rinj. Ndryshim të pushtetit ka vetëm në Mitrovicën e Jugut, Fushë-Kosovë e Obiliq. Në të tre komunat kanë fituar kandidatët e LVV.