Deputetët e Kuvendit të Kosovës kanë dështuar për herë të nëntë të konstituojnë Kuvendin e Kosovës këtë të enjte, pasi nuk kaloi propozimi i kryesuesit të seancës, Avni Dehari, për votim të fshehtë për kryeparlamentarin. Propozimi për votë të fshehtë është refuzuar nga Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe Lista Serbe. Ndryshe nga herët e kaluara, nuk u propozua kandidati për kryetar të Kuvendit nga partia fituese e zgjedhjeve, Lëvizja Vetëvendosje, ndërsa seanca e radhës është caktuar të mnahet më 3 maj në orën 10:00.