Ditët e fundit është kërkuar disa herë ndërhyrja e KFOR-it, për shuarjen e zjarreve në Kosovë ndërkohë që vetë shteti i Kosovës nuk ka asnjë helikopter për të reaguar në këto situata. Në rast krizash, kosova nuk ka helikopter as në fushën e mbrojtjes, sigurisë apo shëndetësisë. Kjo shihet me alarm nga ekspertët ndërsa agjencia e Menaxhimit të emergjencave thotë se vendit i nevojiten disa helikopterë. Ahmeti: Është e vështirë të intervenohet në zona malore “Është e vështirë të intervenohet në zona malore, sepse ka vende që nuk kanë qasje automjetet e zjarrfikësve. Pastaj është mjaft e vështirë qasja në ato vende, andaj gjithmonë ekziston nevoja që të ndihmohet nga ajri përmes hudhjes së ujit nga ajri, përmes helikopterëve.... Tahir Ahmeti, njohës i çështjeve të emergjencave civile, thotë se është e domosdoshme që kosova të ketë kapacitete të tilla ajrore. Edhe Nehat Koqinaj, nga agjencia e menaxhimit të emergjencave ndan të njëjtin mendim.