Kryeministri i Kosovës, Albin Kurti, në një konferencë për mediat, foli rreth trysnisë ndërkombëtare për themelimin e asociacionit dhe deklaratat e Miroslav Lajçak se draft-statuti i asociacionit është çështje e brendshme e Kosovës. “Në bisedimet e Brukselit vazhdimisht është thënë që për një draft statut duhet të ketë marrëveshje mes Kosovës dhe Serbisë. Vazhdimisht është sjellë në proces të bisedimeve në tryezën e dialogut. Unë kam qenë shumë konstruktiv, kreativ e i përkushtuar, bile e mbani mend se si më 2 maj kam dëgjuar me durim ish- deputeten e SNS-së Daniela Vujiçiq, udhëheqëse e të ashtuquajturit ekip menaxhues duke elaboruar se si duhet të duket “Republika Serbe” në Kosovë. Gjysmë ore e kam dëgjuar në Bruksel në atë kohe. Ka pasur shumë trysni mbi qeverinë tonë dhe në javët e muajt në vijim që edhe ne ta propozojmë një draft…Ndërkohë që drafti i saj kishte zhvlerësuar në mënyrë të plotë politikisht dhe aspak legalisht siç do të duhej nga ndërmjetësit, prandaj ne kemi konsideruar se nuk është koha për këtë gjë... Nëse draft statuti i asociacionit prej ndërmjetësit thuhet që është një çështje e brendshme i Kosovës, ky është një regjistër tjetër i gjërave”