Ministri për Diasporën Pandeli Majko ka publikuar një foto të presidentit serb Aleksandër Vuçiç ku harta e Kosovës shfaqet me flamurin Serb. Duke komentuar foton, Majko thotë se Vuçiçit i pëlqen papajtueshmëria. Me publikimin e fotos së Republikës së Kosovës me flamurin serb, shkruan Pandeli Majko, Presidenti i Serbisë Vucic, tregon se i pëlqen papajtueshmëria. Ky është një problem i shtetit serb dhe i seriozitetit të zgjedhur në Beograd. Republika e Serbisë nënshkroi një deklaratë në zyrën ovale të Shtëpisë së Bardhë për të respektuar procesin e paqes rajonale. Diplomacia e fotove në instagram zhvlerëson seriozitetin e shtetit serb në mardhëniet ndërkombëtare. Sovraniteti i Republikës së Kosovë garantohet nga NATO dhe jo nga instagrami. Kjo është arsye e mjaftueshme që presidenti serb ti ofrojë shtetasve të vet, një të ardhme të cilën mund ta përballojnë. Roli i Gavrilo Principit në kohën e integrimit europian nuk mirëkuptohet. Serbia duhet të mos kapitullojë përballë pamundësive të saj! As në instagram!, mbyll postimin Ministri I Diasporës, duke mos e fshehur aspak zemerimin që I ka shkatuar postimi I presidentitn Serb, vucic