Qeveria e Kosovës është hakmarrë ndaj Beogradit pas rrëmbimit të tre policëve të Kosovës nga forcat serbe” dhe ka marrë vendim që të ndalojë hyrjen e të gjitha automjeteve me targa të Serbisë. Lajmin e konfirmoi zëdhënësi i Qeverisë, Përparim Kryeziu, i cili tha se pas ngjarjes që ndodhi të mërkurën në vijën kufitare me Serbinë, institucionet e Kosovës kanë vendosur që të rrisin nivelin e kontrolleve kufitare. “Si hap i menjëhershëm është vendosur që të ndalohet hyrja e automjeteve me targa të Serbisë në Republikën e Kosovës, teksa vazhdon analizimi i situatës nga institucionet e sigurisë. Veprimet e radhës do të merren bazë të rekomandimeve të institucioneve të rendit”, tha Kryeziu. Ngjarja, sipas Policisë së Kosovës ka ndodhur mesditën e së mërkurës, kur zyrtarët policorë dyshohet se janë rrëmbyer nga forcat serbe gjatë një patrullimi në vendin e quajtur Tresave/Bare, në vijën kufitare në veri të Kosovës. Po ashtu qqeveria e Albin Kurtit ka vendosur të ndalojë hyrjen e mallrave serbe në vend. Vlen të theksohet se Kosova importon më shunmë se 150 milionë euro mallra në vit nga Serbia, kryesisht ushqime.