Kosova dhe Agjencia amerikane për Zhvillim Ndërkombëtar, USAID, nënshkruan marrëveshjen për grantin, që ofron ndihmë shtesë për institucionet e Kosovës në vlerën prej 34.5 milionë dollarësh. Fondet shtesë janë pjesë e marrëveshjes së arritur më herët, me vlerë totale prej 146.2 milionë dollarësh, që sipas presidentes së Kosovës, Vjosa Osmani, e cila edhe firmosi grantin, synon të ofrojë shërbime më të mira për qytetarët, të rrisë llogaridhënien e institucioneve dhe të mundësojë qeverisje efektive. “Marrëveshja që sapo nënshkruam me SHBA-në, me USAID-in është edhe një rikonfirmim drejt vizionit tonë të përbashkët, drejt një të ardhmeje më të mirë dhe më të qëndrueshme për të gjithë qytetarët tanë”, tha Osmani gjatë një konference për shtyp me ambasadorin amerikan në Kosovës, Jeffrey Hovenier.