Në mbledhjen e së premtes të mbajtur nga Qeveria në detyrë e Kosovës u njoftua heqja e tarifave doganore me shtetet e bashkuara të amerikës. “Tani e tutje, të gjitha produktet me orgjinë nga Shtetet e Bashkuara do të kenë tarifë 0 për qind kur të hyjnë në vendin tonë. Kosova i mirëpret produktet amerikane në tregun e saj dhe besojmë fuqishëm se kjo do të ndikojë në rritjen e këmbimit tregtar dhe shtimin e investimeve”,tha Kurti në nisje të mbledhjes ndërsa shtoi: "Ky është një hap i radhës që dëshmon marrëdhëniet shumë të mira ndërmjet dy vendeve tona dhe njëkohësisht e tregon përkushtimin dhe vendosmërinë tonë për të pasur një marrëveshje për tregti të lirë me Shtetet e Bashkuara të Amerikës". Kosova, aktualisht, ka një taksë prej 10% për mallrat e importuara nga SHBA-ja. Në fillim të prillit, presidentja e Kosovës, Vjosa Osmani kërkoi nga Qeveria në detyrë e Kosovës pezullimin e saj. vendimi erdhi një ditë pasi trump njoftoi hyrjen në fuqi të tarifave të njoftuara në muajin prill. Nga viti 2019, eksportet na Kosova drejt SHBA janë rritur. Vlera e tyre në vitin 2019 ishte tre milionë euro, ndërsa në 2022-shin arriti në mbi 131 milionë. Produktet që i eksporton Kosova në SHBA, përfshijnë: ushqime, lëngje, tekstil, dyshekë, por dhe prodhime nga druri dhe plastika.