Në një moment kur unifikimi i Europës mbetet pritoritar, zgjerimi i kushtëzuar nga reformat, është më pranë se kurrë. Komisionerja Europiane për Zgjerimin, Marta Kos vlerësoi me notë pozitive progresin e bërë nga Shqipëria, duke e veçuar si një shtet kandidat që ka kuptuar momentin e ri të zgjerinit dhe po merr hapa konkretë për reforma. “Ne kemi mundësi reale që brenda vitit 2029 të anëtarësojmë një ose më shumë shtete kandidate me të drejta të plota si vende anëtare të BE. Në Shqipëri kemi hapur tashmë 24 kapituj të negociatave. Vetëm në dy muajt e fundit kemi hapur grupkapitullin e dytë dhe të tretë.