Shqipëria renditet si vendi i dytë më i palumtur në Europë, duke lënë pas vetëm Turqinë. Raporti Botëror i Lumturisë për vitin 2026, pas gjetjeve të bëra, thekson se niveli i korrupsionit dhe mungesa e mbështetjes nga miqtë janë 2 elementët kryesorë që i bëjnë shqiptarët të palumtur. Por, krejt ndryshe duket realiteti në Kosovë, shtet i cili rezulton më i lumturi në rajon, duke u renditur i 16-ti në botë, teksa Shqipëria renditet në vendin e 86-të. Raporti ofron një vështrim gjithëpërfshirës mbi nivelin e lumturisë në mbarë botën, duke u bazuar në disa tregues, si të ardhurat e qytetarëve, niveli i korrupsionit, mbështetja sociale, jetëgjatësia, liria për të marrë vendime, si dhe bujaria.