SPAK mbylli hetimet për 8 personat që u morën të pandehur për ngritjen e skemës së korrupsionit me banesat sociale në Durrës dhe ka bërë kërkesë në Gjykatën e Posaccme për nisjen e gjykimit për këta persona. Pesë nga personat që ngritën këtë skemë, sipas hetimeve që kreu SPAK janë Gëzim Sylaj, Vasil Karasaliu, Viola Mema, Behare Luzi dhe Enxhi Çelaj që prezantoheshin si punonjës me funksione drejtuese në administratën shtetërore dhe merrnin nga 5 deri në 15 mijë euro nga personat e interesuar për banesa sociale. Organi i akuzës provoi se, këto persona pasi merrnin shumën e parave që kërkonin, ata u premtonin personave që kishin interes për banesa sociale se në telefonin e tyre do vinte një mesazh konfirmimi nga Bashkia e Durrësit, e më pas bëhej shpallja e fituesve dhe më pas këta persona futeshin në banesa pas disa muajsh.