Prokuroria e Tiranës ka dërguar për gjykim 5 shtetasit kosovarë, të cilët u arrestuan në fund të 2024-ës, teksa përpiqeshin të kontrabandonin medikamente nga Jordania. Bekim Zenuni, Ferhat Zenuni, Ardian Ismaili, Andi Grabanica dhe Altin Maqastena, ndaj të cilëve ka përfunduar hetimi, mbërritën nga Stambolli në Shqipëri në Aeroportin e Rinasit me 300.000 euro cash dhe 14 valixhe me medikamente, teksa akuzohen për veprën penale ‘Kontrabanda me mallra të licencuara’ në bashkëpunim, parashikuar nga neni 173/2 i Kodit Penal. Në 4 valixhe të të akuzuarve u gjetën 1057840 medikamente me mbishkrimin ‘Unified’ me peshë totale 417.1 kg, të cilat u sekuestruan së bashku me vlerën monetare të padeklaruar. Sipas prokurorisë mësohet se nga hetimet rezultoi e provuar kryerja e kontrabandës me mallra të licensuar të pa autorizuar. Prokuroria arriti në përfundimin se vepra penale është kryer në bashkëpunim nga të pestë personat e arrestuar. Pas mbylljes së hetimit, do të jetë salla e gjyqit ku do të vendoset nëse të pandehurt janë fajtor apo jo.