Sekretari amerikan i Shtetit, Antony Blinken, tha se Grupi i Shtatë vendeve të industrializuara është "i përkushtuar për të de-përshkallëzuar" tensionet në Lindjen e Mesme pas raporteve se Izraeli nisi sulme ndaj Iranit si hakmarrje për sulmin e ndodhur pak ditë më parë. "Ne jemi të përkushtuar për sigurinë e Izraelit. Ne jemi gjithashtu të përkushtuar për të de-përshkallëzuar, për t'i dhënë fund këtij tensioni," tha Blinken në një konferencë shtypi pas një takimi të ministrave të jashtëm të G7 në ishullin italian të Capri. Blinken refuzoi t'u përgjigjet pyetjeve të përsëritura në lidhje me shpërthimet në Iran dhe raportet e sulmeve hakmarrëse izraelite, duke thënë se Uashingtoni "nuk ishte i përfshirë në asnjë operacion sulmi". Madje ai sqaroi se "Shtetet e Bashkuara u informuan në momentin e fundit", por pa dhënë më shumë detaje. Izraeli kishte paralajmëruar se do të kundërpërgjigjet pasi Irani gjuajti qindra raketa dhe drone një javë më parë,