Mbrëmjen e kësaj të marte kombëtarja shqiptare do të luajë ndeshjen e dytë të Nations league ku në Air Albania Stadium kuqezinjtë tanë do të presin Gjeorgjinë. Do të jetë një përballje shumë e vështirë kjo për skuadrën tonë kombëtare për faktin se të dyja ekipet vijnë pasi kanë fituar sfidat e para në Grupin B1. Shqipëria mundi me përmbysje Ukrainën 2-1, ndërsa Gjeorgjia shkatërroi Cekinë 4-1 Sfida që do të luhet në Air Albania Stadium mes kombëtares sonë dhe Gjeorgjisë do të jetë e 16 në historinë e përballjeve mes këtyre dy ekipeve. Në fakt edhe Gjeorgjia mund të konsiderohet si një mace e zezë për kuqezoinjtë teksa bilanci flet totalisht për të me 8 fitore kundrejt 3 të Kombëtares, ndërkohë që 4 ndeshje janë barazim. Fitoret e Kombëtares sonë ndaj gjeorgjisë janë arritur në 1999, 2003 dhe 2005