Pas 8 orësh seancë me disa ndërprerje, Kolegji Zgjedhor vendosi rrëzimin e padisë së Partisë Demokratike për zhvleftësimin e vendimit të Komisionit Rregullator, për certifikimin e rezultatit të 11 majit. Duke rrëzuar kërkesën e PD për pavlefshmëri të zgjedhjeve, Kolegji Zgjedhor u bë hallka e fundit e çertifikimit të tyre, duke I hapur rrugë konstituimit të Parlamentit të Ri. Vendimi u mor me shumicë votash dhe nuk është i apelueshëm pasi ka formë të prerë. Seanca pati disa ndërprerje, teksa e para në radhë ishte për shkak të kërkesës së ish-deputetit Selami Jenishehri, i cili kërkoi të bëhej palë në proces, duke mbështetur kërkesën e PD për pafëvlefshmëri, kërkesë kjo që u hodh poshtë pas mbledhjes në Dhomë Këshillimi të trupës prej 5 anëtarësh. Vendimi i kësaj të enjteje çertifikon 83 mandatet e PS në zgjedhjet e 11 majit, ndjekur nga PD me 50 mandate.