Komisioni i Venecias ka pranuar kërkesën e Presidentit Ilir Meta për të shqyrtuar ndryshimet në Kodin Zgjedhor, po ka refuzuar kërkesën për një procedurë urgjente. Komisioni I Venecias do ta shqyrtojë këtë çështje në seancën më të parë të muajit dhjetor. Përmes një letre, Presidenti i Komisionit të Venecias, Gianni Buquicchio, ka lajmëruar Presidentin shqiptar se është vendosur që të merren nën shqyrtim ndryshimet, por jo me procedurë urgjente, siç e kishte kërkuar Meta. ”Kam nderin t’ju informoj se Byroja e Komisionit ka vendosur, e ndikuar nga koha e shkurtër e mbetur para seancës së ardhshme plenare dhe të kompleksitetit të çështjes, për të mos autorizuar procedurën urgjente", thuhet në letrën e Presidentit të Komisionit të Venecias Buquicchio sqaron se mendimi i Venecias do të jetë gati në fillim të muajit dhjetor, pasi do të përgatitet sipas procedurave të zakonshme. Kreu I ‘Venecias’ sqaron në letër se ky mendim, do të hartohet në bashkëpunim me ODIHR. Pas kthimit nga Presidenti Meta të ndryshimeve të Kodit Zgjedhor, mazhoranca soacialiste e ka kaluar këtë të martë në komision, ashtu siç ishte, dhe po kështu do të votohet më 29 tetor në seancën plenare në Kuvend.