Ashtu si për shumë familje të tjera shqqiptare, fëmijët e të cilëve shkon sot për herë të parë në shkollë, emocionet e kësaj dite I ka përjetuar dhe kryeministri Edi Rama. Shefi I ekzekutivit postoi një foto në të cilën shihet I biri me cantë në shpinë e lule në duar për mësuesen e tij. “Dita e parë emocion i rrallë. Zoti i bekoftë të gjithë fëmijët që sot nisën shkollën dhe i mbroftë gjithnjë bashkë me prindërit e gjyshërit e tyre të pazëvendësueshëm. Dashuri, shëndet e gëzime paçin gjithmonë”, ka shkruar Rama. Më herët, edhe ministrja e shëndetësisë Ogerta Manastirliu kishte publikuar një foto me vajzat e saj. Ajo gjithashtu përmendi emocionet, por kishte dhe një mesazh për sigurinë. “Emocion dhe përgjegjësi për çdo prind, për të bërë gjithçka ka në dorë, që ky rifillim i shumëpritur të mos cënojë shëndetin dhe mirëqënien e fëmijëve tanë, të familjeve dhe të gjithë komunitetit! Jep edhe ti kontributin tënd për #ShkollatëSigurta!Bëhu superhero dhe mbaj maskën cdo ditë. Ruaj distancën e kujdesu per higjenen”, ishte këshilla e ministres.