Zëvendëspresidentja amerikane Kamala Harris, i bëri presion Kryeministrit izraelit Benjamin Netanyahu në lidhje me situatën humanitare në Gaza në takimin dhe bisedimet që u panë si tregues se si ajo mund të ndryshojë politikën amerikane në lidhje me Izraelin nëse bëhet presidente. "Izraeli ka të drejtë të mbrohet. Dhe mënyra se si e bën këtë ka rëndësi", u tha Harris gazetarëve pas takimit. Ajo tha se ngriti shqetësimet e saj serioze për shkallën e vuajtjeve njerëzore në Rripin e Gazës. “E bëra të qartë shqetësimin tim serioz për situatën e rëndë humanitare atje”, tha ajo. “Nuk do të hesht”. Komentet e Harris pasqyruan atë që mund të ishte një ndryshim nga Presidenti Joe Biden në mënyrën se si ajo sillet me Netanyahun. Disa orë më parë, Presidenti Biden bëri presion për një armëpushim në luftën 9-mujore në Gazë në bisedimet e tij të para ballë për ballë me Netanyahun që kur presidenti udhëtoi në Izrael disa ditë pas sulmit të Hamasit në Izrael më 7 tetor dhe premtoi mbështetjen amerikane. Vizita e netanyahut vjen pas tërheqjes së biden nga gara presidenciale dhe mbështetjes prej tij të kamala herris. Shtëpia e Bardhë, ku netanyahu takoi bidenin dhe e falenderoi për mbështetjen ndër vite, u rrethua me gardhe shtesë sigurie për shkak të protestave kundër vizitës së tij. Marrëdhëniet midis Bidenit dhe Netanyahut janë tensionuar për muaj të tërë për shkak të ofensivës së Izraelit në Rripin e Gazës, ku janë vrarë më shumë se 39 mijë njerëz. Shtetet e Bashkuara janë ndër furnizuesit kryesor të armëve për Izraelin dhe e kanë mbrojtur vendin nga votat kritike në OKB.