Sajmir dhe Arsil Shera të cilët akuzohen për vrasjen e taksist 71 vjecar Abdulla Budlla, në zonën e Fushë Prezës, do të dalin përpara gjykatës së Tiranës, si të bashkëpandehur në lidhje me ngjarjen e rëndë. Dy vëllezërit do të përballen më akuzën vrasje me paramendim, pas dyshimeve se ata morën jetën e taksistit, pasi ky I fundit ishte në një lidhje me nënën e tyre. Pasi prokuoria bëri kërkesë që ceshtja të kalohet për gjykim në gjykatën e tiranës, tanimë trupa gjykuese do të vendosë për fatin e Sajmirit dhe Arsilit. Ngjarja e rëndë ndodhi në gusht të vitit të kaluar. 71 vjecari u qëllua me breshëri kallashnikovi pranë kryqëzimit të Rinasit, ndërsa po qarkullonte me mjetin e tij. Fill pas ngjarjes, 2 vëllezërit ishin të dyshuarit kryësorë për këtë ngjarje, pasi ata kishin patur një konfikt të mëparshëm me taksistin. Dyshimet u qartësuan akoma më shumë, ndërsa u shqyrtuan komunikimet e fundit telefonike të viktimës, ku policia tha se ka patur shumë telefonata të gjata mes tij dhe nënës së dy vëllezërve. Gjatë hetimit, Sajmir Shera ka pranuar krimin, por ka përjashtuar vëllain e tij. Në deklarimet e dhëna ai ka pretenduar se ditën e ngjarjes i vëllai nuk kishte dijeni se ai kishte një armë me vete dhe se do të qëllonte me të drejtë taksistin.