Dita e parë e viti të ri 2025, ka mbledhur me dhjetëra besimtarë në një prej vendeve të shenjta në vendin tonë, në Kishën e Shën Andonit, e njohur ndryshe edhe si Kisha e Laçit. Besimtarë të shumtë i janë drejtuar Kishës së Laçit për të festuar ditën e parë të Vitit 2025, duke u lutur për mbarësi, shëndet e mirësi gjatë këtij viti që sapo ka nisur. Ky vend i shenjtë, i njohur për rëndësinë e tij shpirtërore dhe traditat e thella fetare, për besimtarët katolikë mbledh çdo vit mijëra pelegrinë, veçanërisht në ditët e veçanta si kjo. Për shumë njerëz, vizita në këtë kishë simbolizon një fillim të ri dhe bekime për vitin e ardhshëm. Kisha e Laçit është shndërruar në një vend pelegrinazhi jo vetëm në ditët e festive apo të martat e shenjta të katolikëve, por edhe në çdo ditë të vitit. Qytetar të ndryshëm jo vetëm nga besimi Kristian, shfrytëzojnë qetësinë që të jep zona në të cilën ndodhet kisha e Shën Andonit, si dhe bestytënitë për këtë objekt kulti, për shërim e mbarësi.