Tarifat e presidentit amerikan , Donald Trump godasin thelbin e dy strategjive kryesore të eksportuesve kinezë për të zbutur ndikimin e luftës tregtare: zhvendosjen e një pjese të prodhimit jashtë vendit dhe rritjen e shitjeve në tregjet jo amerikane. Shitjet vjetore të Kinës në Shtetet e Bashkuara të Amerikës arrijnë në më shumë se 400 miliardë dollarë çdo vit. Presidenti Donald Trump rriti tarifat me 34 pikë përqindje shtesë për këto mallra. Kina është më e ekspozuar ndaj luftës tregtare se çdo vend tjetër. Përpara rizgjedhjes së Trump në nëntor, shumë prodhues kinezë po zhvendosnin disa fabrika prodhimi në Azinë Juglindore dhe rajone të tjera. Tani fabrikat e tyre të reja përballen me tarifa prej 46% në Vietnam, 36% në Tajlandë dhe të paktën 10% kudo tjetër.