Kim Jong un ka lëshuar një paralajmërim drithërues në adresë të perëndimit ndërsa ai përgatitet të lëshojë një bombë bërthamore në cdo moment. E kjo, pavarësisht se SHBA ka premtuar se do të reagojë shpejt bashkë me aleatët e saj nëse diktatori koreano verior do të vazhdojë me testimin e një bombe bërthamore. Ministri i jashtëm i Koresë së Jugut, Park Jin tha se koreja e veriut ka përfunduar tani përgatitjet për një test bërthamor dhe se vetëm një vendim politik mund ta ndalojë atë. Por, kryediplomati paralajmëroi se Koreja e veriut do të paguante një cmim të hidhur nëse do të vazhdonte me testin. Ai i bëri komentet pas bisedimeve me sekretarin amerikan të shtetit Antony Blinken në Uashington në mesin e frikës se Kim jong un mund të kryejë testin e tij të shtatë bërthamor brenda pak ditësh. Javën e kaluar, zyrtarët amerikanë dhe koreanojugorë thanë se Koreja e veriut ishte pranë përfundimit të këtyre përgatitjeve dhe i kërkuan Kim Jong Unit të merrte vendimin e duhur.