Koreja e Veriut ka arrestuar tre zyrtarë të kantierit detar për një aksident gjatë inaugurimit të një anijeje të re luftarake të mërkurën, thonë mediat shtetërore. Pjesa e poshtme e destrojerit 5,000 tonësh u shtyp gjatë ceremonisë së inaugurimit, duke bërë që anija të humbasë ekuilibrin. Një hetim për incidentin, të cilin udhëheqësi i Koresë së Veriut Kim Jong Un e përshkroi si një "akt kriminal", është duke vazhduar. KCNA, agjencia zyrtare e lajmeve e Koresë së Veriut, identifikoi të arrestuarit si inxhinierin kryesor të kantierit detar Chongjin në veri ku u ndërtua anija, si dhe kreun e ndërtimit dhe një menaxher administrativ. Raporti tha se të tre ishin "përgjegjës për aksidentin". Të premten, KCNA tha se menaxheri i kantierit detar, Hong Kil Ho, ishte thirrur nga forcat e rendit. Imazhet satelitore treguan anijen e anuar, të mbuluar me katrama ngjyrë blu, dhe një pjesë e daj dukej se ishte në tokë. Mediat shtetërore të Koresë së Veriut nuk përmendën asnjë viktimë apo lëndim në kohën e incidentit, duke minimizuar dëmin. KCNA raportoi se nuk kishte të cara në fund të anijes, në kundërshtim me raportet fillestare.