Dy udhëheqësit autoritarë, presidenti rus Vladimir Putin dhe lideri I Koresë së Veriut Kim Jon Un, u shfaqën krah presidentit Kinez, Xi Jinping, në paradën ushtarake që shënonte 80-vjetorin e përfundimit të Luftës së Dytë Botërore, e njohur në Kinë si lufta e rezistencës kundër agresionit japonez. Në një takim dypalësh që zgjati më shumë se dy orë, udhëheqësi koreanoverior u regjistrua t’o thoshte presidentit rus se do të shihen së shpejti, ndërsa nuk munguan as përqafimet mes tyre. Putin e falënderoi liderin Kim për dërgimin e trupave për të luftuar kundër Ukrainës, duke i përshkruar ato si të guximshëm dhe heroikë në rajonin e Kurskut. Sakaq, presidenti rus Putin e ka ftuar Kim Jong-un të vizitojë Rusinë, ndërsa udhëheqësi koreanoverior premtoi të bëjë "gjithçka që mundet për të ndihmuar" Moskën.