“Çdo vendim në lidhje me hapjen e Urës së Ibrit duhet të merret në kuadër të dialogut”, ka qenë ky reagimi i KFOR për mediat në Kosovë, pas testimeve të bëra nga institucionet mbi urën e Ibrit. KFOR është shprehur se ka prani “fikse në urë” dhe vazhdon të kryejë patrullime të rregullta në zonat përreth dhe se nuk do të hezitojë “të ndërhyjë ndaj çdo zhvillimi që mund të ndikojë në mjedisin e sigurisë”. Misioni i NATO-s më tej ka deklaruar qëndrimi për hapjen e urës mbi lumin Ibër është konsistent dhe se duhet të merret kuadër të dialogut Kosovë-Serbi të ndërmjetësuar nga BE-ja. Paraditen e të enjtes institucionet e Kosovës kryen inspektime mbi qëndrueshmërinë fizike të Urës së Ibrit me kamionë të cilët kaluan mbi urë. Sipas mediave të Kosovës, katër kamionë kryen testimin e urës nën praninë e KFOR, ndërsa më herët dy politikanë nga partia Demokracia Serbe, u arrestuan në Mitrovicën e Veriut pasi kishin penguar punëtorët e komunës, që të kryenin disa punime afër urës mbi lumin Ibër.