Ka marë fund arratia e 29 vjecarit Aleksandër Senaj, i cili ishte shpallur në kërkim për një sërë ngjarjesh të rënda të karakterit kriminal, duke nisur nga vrasja me dashje e mbetur në tentativë deri tek prodhimi i armëve të zjarrit. I riu u kap në tentativë për lu larguar ilegalisht nga territori shqiptar drejt atij italian. Sipas policisë në momentin e arrestimit, 29 vjecarit iu gjet dhe iu sekuestrua 1 armë zjarri pistoletë Bereta, me fishek në fole gati për qitje, e cila u sekuestrua në mënyrë të menjëhershme nga shërbimet e policisë. Aleksandër Senaj ishte në kërkim për një ngjarje të shënuar në datë 15 tetor të këtij viti, konkretisht për kryerjen e veprave penale “Shtrëngim me anë të kanosjes për dhënie pasurie”, “Plagosje e lehtë me dashje” e kryer në bashkëpunim dhe “Prodhimi dhe mbajtja pa leje e armëve dhe municioneve luftarakë”.