Një konflikt mes fqinjëve mund të ishte kthyer në një ngjarje tragjike për Gramshin. Ndërhyrja në kohë e Policisë ka parandaluar përshkallëzimin e mëtejshëm të konfliktit mes dy fqinjëve në Gramsh, duke vënë në pranga njërin prej tyre. Sipas policies I arrestuari është Genci Hazizi 52 vjeç, I cili për motive të dobëta ka kërcënuar me armë komshiun. Ngjarja ka ndodhur në fshatin Shëmrizë të Administrative Pishaj, dhe menjëherë pas raportimit të ngjarjes policia ka shkuar në vendngjarje duke vënë në pranga autorin e kërcënimit Genci Hazizi, 52 vjeç . Policia bën me dije se gjatë kontrollit në banesë, është gjetur dhe sekuestruar në cilësinë e provës materiale një armë zjarri kallashnikov, me të cilën ishte kërcënuar shtetasi me inicialet H. A nga komshiu i tij. Policia ka referuar materialet hetimore në Prokurorinë pranë Gjykatës së Shkallës Parë Elbasan, për veprimet e mëtejshme.