Gjykata Themelore e Mitrovicës ka dënuar me 30 ditë paraburgim ndaj shtetasit me iniciale M.R. për veprën penale “Kanosje”, pasi kërcënoi kryeministrin e Kosovës, Albin Kurti. Sipas avokates së të akuzuarit, shtetasi me iniciale M.R. e ka pranuar akuzën dhe është penduar, ndërsa sipas saj ka qenë në gjendje të alkoolizuar në momentin që ka kryer kërcënimin. Avokatja është shprehur në seancë se nuk ekziston rreziku për përsëritje të veprës, pasi klienti I saj është i frikësuar. Ajo kundërshtoi kërkesën e Prokurorisë për caktim të paraburgimit ndaj të mbrojturit të saj dhe se ndaj tij të caktohet një masë alternative, sikurse është arresti shtëpiak. Sipas saj, fotot janë fshirë menjëherë dhe i dyshuari e ka mbyllur llogarinë, çka sipas saj tregon pendim të thellë dhe e ka thyer edhe telefonin.