Persona të panjohur kanë kërcënuar deputeten e Kuvendit të Kosovës, Duda Balje. Ligjvënësja nga nga radhët e komunitetit boshnjak se i është kërkuar të bëjë kujdes “ me votimin e radhës në Kuvendin e Kosovës”, i cili do të jetë ai për presidentin e vendit. Vetë Balje e pohoi përmes një postimi në rrjetet sociale se ka marrë telefonata kërcënuese ne gjuhën serbe. “ desha t`ju informoj se kam marrë tri telefonata anonime, dy në gjuhën sërbe dhe një në shqip, ku persona të panjohur më kanë kërkuar paturpësisht të bëj kujdes me votën tim. E kuptoj që dikutj mund t`i kem prishur planet dhe ai nuk pajtohet me humbjen. Por ju premtoj se keta njerez që fshihen pas numrave anonimë e po përpiqen të falsifikojnë dokumente me qëllim diskretitimin tim politik, do ti nxjerr zbuluar përpara organeve të drejtësisë. Ndërsa popullit të Kosovës i premtoj se askush nuk mund të ndryshojë votën time, ka shkruar ajo. Për zgjedhjen e presidentit në Kosovë, në dy votimet e para nevojiten dy të tretat e votave që do të thotë 80 vota. Ndërsa në raundin e tretë, president zgjidhet ai që merr shumicën e thjeshtë prej 61 deputetësh, por në të tri votimet duhet të marrin pjesë të paktën 80 vota. Nëse edhe raundi i tretë dështon, vendi shkon në zgjedhje të jashtëzakonshme të cilat duhet të mbahen brenda 45 ditësh.