‘Veprim arbitrar dhe në kundërshtim me Rregulloren e Punës së Kuvendit të Kosovës’, kështu e ka cilësuar Instituti Demokratik i Kosovës, tentativën për ndryshim të mënyrës së votimit gjatë vazhdimit të seancës konstituive të Kuvendit. KDI shkruan në reagim, se shpreh “shqetësim të thellë” për mënyrën jo të rregullt me të cilën është zhvilluar votimi gjatë seancës së nëntë, duke theksuar se ndërhyrja e kryesuesit të seancës për të ndryshuar metodën e votimit “në mes të procesit dhe pa bazë procedurale” përbën shkelje të rëndë të praktikave demokratike parlamentare.