Ka ndryshuar dukshëm situata epidemiologjike në shqipëri këto 24 orët e fundit, me një rritje të ndjeshme infektimesh me koronavirus. Sipas njoftimit më të fundit të Ministrisë së shëndetësisë, janë 43 të infektuarit në 24 orët e fundit, shifër kjo që nuk raportohej prej kohësh. Fatmirësisht, nuk është shënuar asnjë humbje jete por rritja është e konsiderueshme nëse kemi parasysh se një ditë më parë ishin vetëm 11 rastet e reja të konfirmuara. Sipas njoftimit, janë kryer 24 orët e shkuara 3526 testime, nga të cilët 43 persona kanë rezultuar pozitivë, pjesa më e madhe e tyre në Tiranë, por ka patur edhe raste në Has, Elbasan, Durrës, Lezhë, Lushnje, shkodër dhe mallakastër. Aktualisht në të gjithë vendin, sipas ministrisë së shëndetësisë, janë 198 pacientët aktivë me covid 19 ndërsa në spitalin infektiv, po marrin trajtim spitalor të specializuar 6 pacientë. Pesë ndërkohë janë qytetetarët e shëruar në 24 orët e fundit që e cojnë numrin total të të shëruarve që nga fillimi i pandemisë në 130,086. Infektimet e reja me koronavirus po regjistrohen edhe në vendet e tjera të botës, përfshirë vendet fqinje, ndërkohë që gjithnjë e më shumë po rritet frika për variantin Delta, i cili sipas ekspertëve është shumë më infektues se variantet e mëparshme të koronavirusit.