Komisioni i Ankesave dhe Sanksionimit rrëzoi kërkesën e disa prej kandidatëve të Partisë Demokratike të cilët kërkuan rinumërim të kutive të votimit në dy qarqe, në Tiranë dhe Durrës. Vendimi u mor në dhomë këshillimi, teksa sipas KAS, një kërkesë e tillë legjitimohet vetëm në rast se bëhet përmes subjektit politik. Kandidatët që kërkuan rinumërim të votave, ishin Mimoza Hajdarmataj, Ilir Alimehmeti, Lisander Hoxha dhe Ilirjana Kucana.