Autoritetet e policisë greke, në vijim të masave të marra për përballimin e situatës së krijuar nga pandemia e COVID-19, kanë marrë vendimin për shtyrjen e afatit të bllokimit të Pikës së Kalimit Kufitar Kapshticë, deri në datën 22 mars të këtij viti. Lajmi është konfirmuar nga burime pranë policisë kufitare. Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, do të vijojë të jetë e mbyllur. Ndërkohë, nga kjo pikë do të lejohet vetëm dalja nga Greqia dhe futja në Shqipëri për këmbësorët nga ora 06:00 deri në orën 22:00. Ndërsa mjetet si autobusët, taksi apo çdo mjet tjetër i transportit të pasagjerëve, nuk do të lejohet të kalojë. Vendimi për mbylljen e Kapshticës është marrë që në muajin nëntor pas rasteve të konstatuar se nga kjo pikë kanë kaluar persona me teste të falsifikuar për Covid 19. Që nga ajo kohë kapshtica ka qëndruar e mbyllur deh janë lejuar të kalojnë vetëm këmbësorët. Ndërkaq edhe për kakavijën pak ditë më parë u ul numri I personave të lejuar që mund të kalojnë gjatë një dite nga 750 që ishte cajktuar që në gusht, u la 400.