Policia greke, në kuadër të përforcimit të masave në pikën e kalimit kufitar të Mavromatit (Qafë-Botë), ka kapur një shqiptar të kërkuar për vrasje. ai u ndalua gjatë mbrëmjes nga sektori i verifikimit të pasaportave të Sajadhës, në bashkëpunim me sektorin e zbulimit të krimeve të Igumenicës teksa tentonte të futej në Greqi përmes pikës së kalimit kufitar. nga verifikimet, sipas mediave greke, ai rezultoi të ishte në kërkim nga Interpol Tirana për veprën penale Vrasje me dashje. i ndaluari, emri i të cilit ende nuk është bërë i ditur, u shoqërua në Komisariatin e Igumenicës dhe dosja i ka kaluar Prokurorisë se këtij qyteti për nisjen e procedurave të ekstradimit.