Një 26-vjeçar u arrestua gjatë operacionit të koduar Mesnata, pasi shiste lëndë narkotike. I riu ishte duke lëvizur me një makinë në rrethrrotullimin e Rinasit pas mesnate. Ai u ndalua nga policia dhe pas kontrollit fiuzik dhe atij në automjet u gjetën sasi lënde kokainë, një pjesë e ndarë në doza, gati për shitje, dhe 3180 euro dhe 48 000 lekë. I riu u shoqërua drejt komisariatit dhe pas veprimeve të para hetrimore rezultoi se I akuzuari, pasi siguronte drogën, e shpërndante atë në doza, në zona të ndryshme të Tiranës. Aksioni u zhvillua në bashkëpunim me shërbimet e komisariatit të Krujës. Ndërkohë vijon puna për identifikimin e personave të tjerë të përfshirë në këtë veprimtari kriminale.