Një shtetas është arrestuar nga policia e Tiranës, pasi është konstatuar duke lëvizur me automjet me armë zjarri pistoletë me silenciator. Bëhet me dije se ka përfunduar në pranga 25-vjeçari Sandriano Kastrati, si dhe pasagjerin në automjetin e tij Olsjan Musollari, për moskallëzim krimi. Gjatë operacionit, në zonën e Vorës afër Laknasit, shërbimet e Policisë kanë lokalizuar dhe ndaluar një automjet, ku pas kontrollit është gjetur një armë zjarri pistoletë me silenciator dhe me një krehër me municion luftarak, të cilat u sekuestruan në cilësinë e provës materiale, bashkë me automjetin. Sandriano Kastrati po hetohet për veprën penale prodhimi dhe mbajtja pa leje e armëve, armëve shpërthyese dhe municionit luftarak. Ai rezulton i dënuar më parë për të njëjtën vepër penale. Opercioni u zhvillua nga shërbimet e komisariatit të policisë numër 7, në vijim të punës për evidentimin dhe goditjen e rasteve të armëmbajtjes pa leje.