Policia e Sarandës ka prangosur tre të rinj nga Burreli që akuzohen se kanë kryer disa vjedhje në fshatrat e zonës së Livadhjasë dhe në ato të Greqisë pranë kufirit shqiptaro-grek. Policia njofton se ka finalizuar operacionin e përbashkët policor të koduar "Kamitsiani", për parandalimin dhe goditjen e krimeve ndërkufitare. Policia Kufitare Sarandë dhe Policia e Rendit, në bashkëpunim të ngushtë me Policinë Kufitare greke, falë shkëmbimit të shpejtë të informacionit se në fshatin Kamitsiani të Greqisë ishte vjedhur një banesë nga disa shtetas shqiptar, të cilët dyshohet se e kryenin këtë veprimtari në mënyrë të përsëritur, kanë organizuar dhe finalizuar operacionin policor të koduar "Kamitsiani". Në kuadër të këtij operacioni, shërbimet e Policisë Kufitare dhe ato të Rendit në Livadhja, kanë bërë të mundur kapjen dhe arrestimin në flagrancë të tre shtetasve të moshës nga 30 deri ën 35 vjecc me banim në Burrel.