Autoritetet gjermane thanë se kanë arrestuar tre të dyshuar si operativë të grupit militant të Hamasit. Të ndaluarit, sipas prokurorëve, besohet se po përgatiteshin për një akt të rëndë dhune në Gjermani. Tre burrat e akuzar dyshohet se kishin siguruar armë zjarri dhe municione për hamasin duke nisur nga vera e këtij viti me qëllim që armatimet të përdoreshin në atentate ndaj institucioneve izraelite ose hebraike në Gjermani. “Gjatë arrestimeve, u gjetën armë të ndryshme, përfshirë një pushkë automatike AK-47 dhe disa pistoleta, si dhe një sasi e konsiderueshme municionesh”, u tha në deklaratën e bërë publike nagana e prokurorëve federalë. Dy nga të ndaluarit ishin me shtetësi gjermane dhe njëri nga Libani. Gazeta gjermane Der Spiegel raportoi se hetuesit kundër terrorizmit vunë re se të akuzuarit u takuan të mërkurën në Berlin për dorëzimin e armëve, para se forcat operacionale të ndërhynin dhe të zbulonin armë funksionale.