4 persona kanë rënë në prangat e policisë, pasi janë kapur në flagrance me 1 kilogram e 65 gramë lëndë narkotike e lloji kokainë. Arrestimi I tyre është bërë në një lokal në rrugën ‘Myslym Shyri’ në kryeqytet, ku ata janë pikasur nga policia me një pako, në të cilën ndodhej sasia e lëndës narkotike. Në prangat e policisë kanë rënë Armet Latifaj, Gëzim Pashaj, Petros Koronoias dhe Jastin Zaimi. Latifaj e Pashaj akuzohen për zotërimin e lëndës narkotike, të cilën do ta shisnin, ndërsa dy të arrestuarit e tjerë Petros Koronoias dhe Jastin Zaimi, me shtetësi greke, akuzohen për moskallëzim krimi. Që të 4 personat e arrestuar ishin shokë me njëri-tjetrin. Nga hetimet e mëtejshme, policia bën me dije se Armet Latifaj, Gëzim Pashaj, përdornin automjetet e tyre tip “Benz”, të ngjashme me njëra-tjetrën, për transportimin dhe shpërndarjen e lëndës narkotike, me qëllim konfuzimin e Policisë.