Rreth një milion euro të padeklaruara janë zbuluar nga Dogana e Kosovës në pikëkalimin kufitar në Merdar, gjatë një kontrolli të detajuar të një automjeti që po hynte nga Serbia në Kosovë. Sipas autoriteteve doganore, automjeti ishte përzgjedhur për kontroll bazuar në analizën e riskut. Fillimisht ajo është kontrolluar me skaner X-Ray, ku janë vërejtur dyshime për një hapësirë të modifikuar në dysheme. Më pas, me asistimin e Policisë Kufitare dhe përdorimin e pajisjeve fibroskopike, është konfirmuar ekzistenca e një vendi të improvizuar ku ishin fshehur paratë. Shuma e sekuestruar, arrin rreth 1,000,000 euro, ndërsa janë ndaluar për 48 orë zyrtari I policisë shqiptare, Ardit Laska si dhe dy shtetasit Ahmet Kaziu dhe Etnik Ahmaxhokaj.