Opozita e Kosovës, duket e vendosur për të mos votuar asnjë emër të dalë nga VetëVendosje, për qeverinë e re. Pas mandatimit të Glauk Konjufcës, për kryeministër nga VetëVendosje, Lidhja Demokratike e Kosovës, ka reaguar duke thënë se ky veprim është vetëm një shtyrje e procedurave që thellon pasigurinë politike dhe dëmtojnë besimin e qytetarëve në institucionet e Republikës. Sipas LDK, asnjë parti politike nuk e zotëron shumicën e nevojshme parlamentare për të formuar qeverinë e re dhe e vetmja mënyrë për të dalë nga bllokada institucionale janë zgjedhjet e reja. Ngërçi politik sipas LDK, nuk mund të zgjidhet përmes veprimeve jo-kushtetuese e marrëveshjeve të paqarta. Edhe Partia Demokratike e Kosovës, është shprehur se tentativa për t’I dhënë sërish mandatin Vetëvendosjes përmes Glauk Konjufcës, do të përbënte humbje kohe dhe zvarritje të panevojshme të procesit, duke thelluar krizën.