Pas dorëheqjes së Memli Karasniqit nga drejtimi I partisë Demokratike të Kosovës, Bedri Hamza shpalli kandidaturën e parë për në Konventën që do të mbahet me 17 nëntor. “Sot, me përgjegjësi dhe besim në të ardhmen e partisë sonë, e shpalli kandidaturën time për Kryetar të PDK-së”, shkroi Hamza në Facebook. Bedri Hamza emri I të ciliut u përzgjodh dhe për kryeministër gjatë zgjedhjeve parlamentare të 9 shkurtit nga ana e PDK, u shpreh besimplotë për të rikthyer si kryesren në vend. “Tani është koha për një PDK të bashkuar, që lufton për drejtësi, zhvillim dhe një Kosovë evropiane. PDK është familja jonë dhe së bashku do ta hapim kapitullin e ri të fitoreve”, shtoi ai. Hamza në të kaluarën ka qenë ministër i Financave dhe Ekonomisë, deputet në legjislaturat paraprake të Kuvendit të Kosovës si dhe guvernator i Bankës Qendrore të Kosovës. Kandidatura e Bedri Hamzës u mbështet edhe nga Memli Krasniqi që një ditë më parë tha se do të jetë në krah të tij nëse 62-vjeçari do të shprehte dëshirën për të garuar. Dorëheqja e Krasniqit vjen pesë muaj pasi ai ishte rizgjedhur në krye të partisë për një mandat të dytë në qershor. PDK-ja përveç që doli e dyta në zgjedhje parlamentare në shkurt, ajo i fitoi gjashtë komuna në zgjedhje lokale të këtij viti, duke pësuar një rënie të vogël në nivel lokal, në krahasim me zgjedhjet paraprake.