Qytetarët e Maqedonisë së Veriut iu drejtuan të mërkurën kutive të votimit për të zgjedhur presidentin e vendit. Sipas rezultateve paraprake të publikuara nga Komisioni Shtetëror i Zgjedhjeve zgjedhjet po kryesohen nga kandidatja e partisë opozitare, VMRO DPMNE, Gordana Siljanovska- Davkova e cila ka siguruar 37.80% të votave deri më tani, I dyti është renditur presidenti aktual i Maqedonisë së Veriut, Stevo Pandarovski, me 18.66 % të votave, I ndjekur nga kandidati shqiptar Bujar Osmani me 15.63% të votave, I cili shprehu falenderime për të gjithë mbështetësit. Të dashur qytetarë, urime të gjithëve edhe një herë. Ju faleminderit për besimin. Kjo fitore e jona është e përbashkët. Fronti Eveopian po ngritet në një lokomotivë evropiane për popullin. Opozita e bashkuar shqiptare, që përbën koalicionin VLEN, mori pjesë në zgjedhje me Arben Taravarin. Sipas këtyre rezultateve, presidenti i ri do të zgjidhet në rundin e dytë zgjedhjeve, ku do të shkojnë dy kandidatët me më së shumti vota. Kjo pasi në rundin e parë kërkohet që presidenti të zgjidhet me 50 për qind të votave, me kushtin që pjesëmarrja në zgjedhje të jetë mbi 40 për qind e elektoratit.