Kryeministri i Kanadasë, Mark Carney, tha se vendi i tij do ta njohë shtetin palestinez në shtator, duke u bërë kështu vendi i tretë i G7-ës që bën një njoftim të tillë në ditët e fundit. Carney tha se marrja e këtij vendimi do të varet nga reformat që do të kryhen, përfshirë zotimin e Autoritetit Palestinez që të mbajë zgjedhjet e reja vitin e ardhshëm, pa pjesëmarrjen e Hamasit. Deklaratat e tij vijnë një ditë pasi Mbretëria e Bashkuar tha se do të njihte shtetin palestinez në shtator nëse Izraeli nuk do të pajtohet për një armëpushim. Një javë më parë, edhe Franca prezantoi një plan të ngjashëm.