Një rast I trafikut të drogës u godit nga policia në pikën kufitare të Kapshticës, ndërsa në pranga përfunduan dy persona nga Tirana. Dashmir dhe Amanti Hamazaraj, babë e birë, po transportonin drejt Greqisë me kamion 56 kilogramë kanabis. Lënda narkotike ishte fshehur në tavanin e kamionit me të cilin ata po lëviznin. Pas informacioneve të siguruar në rrugë operative, agjentët e kaluan për kontroll në vijën e dytë kamionin që drejtohej nga Amanti Hamazaraj, ndërsa babai I tij ishte pasagjer. Gjatë kontrollit, në pjesën e tavanit të rimorkios së kamionit u konstatuan të montuara 44 shufra metalike, në të cilat ishin fshehur sasi lënde narkotike cannabis sativa, me peshë totale 56 kilogramë. Për rastin u shpall në kërkim dhe një 38-vjeçar po ng akryeqyteti pasi dyshohet si posedues i lëndës narkotike dhe bashkëpunëtor në trafikimin e saj. Ndërkohë vijojnë heitmet me qëllim zbardhjen e plotë të këtij rrejti trafiku droge.