Bjellorusia ka ndaluar punimet për ndërtimin e një kampi të ri ushtarak në rajonin Homel, i cili cilësohej si një rrezik nga ana e shumë analistëve pasi mund të përdorej për të sulmuar Ukrainën. Radio Evropa e Lirë, duke iu referuar burimeve të saj raporton se puna në “Chaika” – dikur kamp pushimesh për fëmijë në epokën e komunizmit – është pezulluar pa ndonjë arsye. Kampi ndodhet vetëm 40 kilometra larg kufirit me Ukrainën dhe sipas planeve të qeverisë, projekti do të financohej nga programi shtetëror për investime dhe do të përundonte në vitin 2027. Në fillim të këtij viti, ky vend ishte mbushur me mjete ndërtimi dhe banorët kishin thënë për REL-in asokohe se ndërtimi kishte pasur nisur. Imazhet satelitore nga 10 tetori tregojnë se në këtë vend nuk ka asnjë ndërtesë të re. Rusia e përdori Bjellorusinë si platformë për ta nisur pushtimin e plotë të Ukrainës, por Misnku thotë se nuk i ka lejuar forcat bjelloruse të marrin pjesë në këtë konflikt.