Një 28-vjeçar, i filmuar nga kamerat e sigurisë së një banese në Shkozë, teksa hyn për të grabitur, është identifikuar dhe vënë në pranga nga policia. Pasi hyri në banesën e ndodhur në rrugën “Theodhori Bej” të kryeqytetit, grabitësi arriti të dalë prej andej me rreth 9100 euro, 2000 paund dhe një sasi të pacaktuar aksesorësh floriri. I riu me inicialet E.A. është kapur me “presh në duar” pak orë pas ngjarje, nga efektivët që i kanë gjetur një pjesë të konsiderueshme të parave dhe bizhuteritë e grabitura. Policia njofton se pas kallëzimit të marrë nga një 42-vjeçar, se i kishin vjedhur një shumë parash dhe sende me vlerë, në banesë, është organizuar dhe finalizuar operacionin policor i koduar “Shkoza”. Si rezultat i këtij operacioni, u bë arrestimi i shtetasit E. A., 28 vjeç, banues në Tiranë, për veprën penale “Vjedhja”, i dënuar më parë për të njëjtën veprimtari kriminale.