Autoritetet greke kanë nisur një hetim paraprak ndaj ish ministrit të Financave, Janis Varifakis pas deklaratave të këtij të fundit në një podkast se 36 vite më parë kishte përdorur drogë. Hetimi nisi në fillim të janarit, ndërsa më 16 janar, Varufakis konfirmoi se ishte thirrur nga policia e Athinës për t’u marrë në pyetje në lidhje me deklaratën e tij. Ish ministri grek i financave, që aktualisht drejton partinë e majtë, Mera25, tha se dy efektivë policie ishin paraqitur në banesën e tij në Athinë duke i komunikuar udhrin për t’u marrë në pyetje nga departamenti i narkotikëve. Varifakis thotë se marrja në pyetje nuk është bërë si dëshmitar, por si i dyshuar. Hetimet nisën pas komenteve që ai bëri në një podkast ky u diskutua për të rinjtë. Gjatë bisedës ai është pyetur nga bashkëfolësit nëse kishte përdorur ndonjëherë drogë. Ish ministri grek i Financave është përgjigjur që po, duke thënë se ka përdorur hashash dhe ka rrëfyer edhe një përvojë me ekstazi 36 vite më parë në Australi. Pas këtij pretendimi të Varufakis, autoritetet greke deklaruan se nuk bëhej fjalë për një hetim të mirëfilltë, por për një hetim paraprak për të verifikuar nëse bëhej fjalë për ndonjë vepër penale që mund të ishte kryer prej tij, nisur nga fakti që ka qenë zyrtar shtetëror.